Bernard de Vilalta, son frère Arnaud, ses enfants pour Sylvanès (abbaye de)

<<</>>>

NuméroT04666

Genrecharte

Date (précise)08/1183

Authenticiténon suspecté

Languelatin

Diocèse Rodez



Auteur

Bernard de Vilalta, son frère Arnaud, ses enfants

Bénéficiaire

Sylvanès (abbaye de)

Regeste

Montlaur, in castro ; Montpaon, in sotulo qui fuit Petri Campi Revelli. Donation par Bernard de Vilalta, son frère et ses enfants, d’un mas situé à Roste en compensation de trois causes à l’abbaye.

Texte

In nomine Domini. Anno incarnationis Ejusdem M°C°LXXXIII°, mense augusti, ego Bernardus de Vilalta et ego Arnaldus, frater ejus, et nos infantes predicti Bernardi, videlicet ego Guillelmus de Brolio et ego Petrus de Vilalta et ego Guido de Vilalta, nos omnes pariter scimus et recognoscimus injuriam nos fecisse et dampnum magnum intulisse monasterio de Salvanesc et abbati ejusdem loci, videlicet de violencia et invasione ac occisione peccorum suorum, de qua re in causam vocati, mediantibus viris nobilibus, videlicet Poncio de Montelauro et Petro de Monteacuto, ita nos concorditer et amicabiliter transegimus. Idcirco nos omnes supradicti pari voluntate et eodem consensu bona fide et sine inganno, pro amore Dei et remissione peccatorum nostrorum et pro emendatione hujus magne injurie, invasionis atque dampni predicti, solvimus et guirpimus et donamus tibi Bernardo, abbati Salvaniensi, et omni conventui ejusdem loci presenti et futuro, totum videlicet quod habemus et habere debemus vel aliqua persona per nos vel de nobis habet in toto territorio de Roste, videlicet mansum unum cum omnibus pertinentiis suis, videlicet alodium, feudum et vicariam et si aliquid aliud ibi habemus vel habere debemus. Totum siquidem hunc predictum mansum cum omnibus pertinentiis suis, ut melius dici vel intelligi potest, solvimus et guirpimus et omni juri ibidem nobis competenti penitus renuntiamus et ipso jure hodierna die nos omnino exuimus et vos et omnes successores vestros presenti die investimus ; et promittimus vobis et convenimus quod non veniemus contra hanc donationem, venditionem, guirpitionem, renuntiationem nostram neque aliquis homo vel femina nostro consilio vel ingenio sive legum institutione seu terre cujuscumque consuetudine, et totum hoc juramus, tactis sacrosanctis evangeliis. Et vos dedistis nobis de caritate CCC solidos Melgorienses, ex quibus penes vos nichil remansit indebitum. Et insuper redemistis predictum mansum de LXXX solidis ; et etiam dedistis nobis unum pullum equinum lactantem. Et si predictus honor plus valet isto precio vel in antea valebit, totam illam valentiam, qualiscumque sit, ex bono jure, pro amore Dei et remissione peccatorum nostrorum et pro animabus parentum nostrorum donamus et laxamus. Si vero aliqua persona in predicto manso vobis aliquid amparaverit vel abstulerit, nos omnes predicti erimus vobis fideles testes et primi adjutores. Factum est hoc in castro de Montelauro, in presentia Bernardi, abbatis, et Ugonis Astenove et Raimundi de Pegairolis, monacorum, et Arbitri, prioris de Reborguil, Bernardi Petri, Ugonis Froterii, Bernardi Froterii, Ugonis de Castlar, Deodati Castigat, Deodati de Fragos, Petri Canuti, Petri Pomeviridis, Bernardoni de Boszagas et Rainaldi de Masello, capellani ejusdem loci. Qui omnes hujus rei fuerunt dati et accepti testes. Laudationis vero predicti Guillelmi de Brolio testes sunt : Miro, monacus Salvaniensis, Maifredus, prior de Bono Vilario, Guillelmus de Rivo et Petrus de Rivo, filius ejus, Bernardus de Roaircio, Bernardus de Molez, Stephanus Johannis, Guiraldus de Leborello, Petrus Revella de Brusca. Et hec laudatio fuit apud Montempavonem facta, in sotulo qui fuit Petri Campi Revelli. Frater Raimundus scripsit.

Bibliographie

VERLAGUET (Pierre-Aloïs), Cartulaire de l’abbaye de Sylvanès, Rodez, 1910, n°491, p.418-419

Source de l'édition

Rodez, AD Aveyron, H(006) 001, cartulaire de l’abbaye de Sylvanès (cartulaire)

Comment citer cette notice

Acte n°219307 dans Chartae Galliae. Edition électronique: Institut de Recherche et d'Histoire des Textes, 2014. (Telma). [En ligne]http://www.cn-telma.fr/chartae-galliae/charte219307/. Date de mise à jour : 16/09/11. Première version : 10 juin 2010.