Ricard de Montpaon, sa femme Ricarde pour Sylvanès (abbaye de)

<<</>>>

NuméroT04662

Genrecharte

Date (précise)1183

Authenticiténon suspecté

Languelatin

Diocèse Rodez



Auteur

Ricard de Montpaon, sa femme Ricarde

Bénéficiaire

Sylvanès (abbaye de)

Regeste

Montpaon, in bertresca Ricardi. Donation de biens dans la paroisse de Cenomes et au territoire de Seias par Ricard de Montpaon et autres personnes.

Texte

In nomine Domini. Anno incarnationis Ejusdem M°C°LXXXIII°, notum sit omnibus quod ego Ricardus de Montepaone et ego Ricardis, uxor ejus, nos ambo insimul per nos et per omnes nostros donamus et laudamus et titulo venditionis simul ac donationis cum hac presenti carta tradimus Domino Deo et monasterio Beate Marie Salvaniensis et tibi Bernardo, abbati, omnique ejusdem loci conventui presenti et futuro, totum quod habemus et habere debemus vel aliqua persona per nos vel de nobis habet in tota parrochia sive terminio de Senomes, videlicet quartam partem ejusdem territorii cum omnibus pertinentiis suis, scilicet alodium, feudum, beneficium, decimam, vicariam, terras : cultas et incultas, nemora, prata, pascuas, aquas et omnes feudales et beneficiarios, homines videlicet et feminas et omnia prorsus que in predicto terminio vel territorio sunt vel esse possunt, quod ad jus vestrum aliquo modo in magnis rebus vel in parvis pertinent aut pertinere debent, ut melius dici vel intelligi potest ; et damus vobis similiter totum quod habemus et habere debemus in toto territorio de Seias, videlicet dimidium mansum quem feudalis noster Raimundus de Narbona tenet de nobis, cujus videlicet mansi aliam medietatem acquisitis de Bertrando de Avena et de Guillelmo, fratre ejus. Hec omnia supradicta nos ambo pariter prefati per nos et per omnes nostros, ut superius dictum est, vendimus et donamus plene et laudamus fideliter et pro amore Dei et remissione peccatorum nostrorum, accipientes etiam a vobis pretium II solidorum Melgoriensium, ex quibus penes vos nichil remansit indebitum ; et si amplius honor iste predicto pretio modo valet et in antea valebit, totum illud, quicquid sit, damus nobis amore Dei ex bono jure et omni juri quod in his honoribus omnibus nobis competere videbatur sive in parvis sive in magnis sine ulla exceptione ab hodierno die et deinceps penitus renuntiamus, et nos omnes exuimus et vos et omnes successores vestros in presenti investimus ; si autem aliquis homo vel femina in his predictis honoribus aliquid vobis amparaverit vel abstulerit, nos vos in jure plene defendimus ; et promittimus et convenimus nos supradicti, videlicet ego Ricardus de Montepaone et ego Ricardis, uxor ejus, per nos et per omnes nostros quod non veniemus contra hanc donationem et venditionem nostram neque aliquis homo vel femina nostro consilio vel ingenio, sed ita tenebimus et observabimus sicut in hac carta per omnia scriptum est, si Deus nos adjuvet et hec sancta Ejus evangelia, que corporaliter tangendo juramus. Et ego Sigueria, soror predicti Ricardi, et ab ipso maritata laudo et confirmo hanc predictam cartam et si in predicto honore aliquid michi obvenire potest ex jure paterne hereditatis, eo quod ab ipsis parentibus non sum tradita marito, pro amore Dei et remissione peccatorum meorum toto ipsi juri, quod in his competere michi posse videbatur, sicut et frater meus predictus, penitus renuntio et meipsam exuo et vos investio et hoc juro, tactis sacrosanctis evangeliis. Isti sunt testes supradicte Siguerie, quando laudavit et juravit hanc cartam et omnia que in ea continentur, in castro superiori de Bozagas, videlicet : Aimericus Alamandi, Fenruffa, Guillelmus de Rocha, Bernardus Creissent, Vedianus Trochels, Petrus de Seias de Bozagas, Deodatus Martinus de Bozagas, Petrus Manu de Croc et Muro, in cujus manu hoc factum est. Simili modo ego Garsendis, predicti Ricardi soror, et ego Raimundus Gaucelini, nepos ejus, filius Ferlandine, sororis ejusdem, nos ambo laudamus et confirmamus hanc predictam venditionem et, tactis sacrosanctis evangeliis, juramus. Testes autem hujus laudationis et jusjurandi necnon et predicti Ricardi, fratris earum, sunt : Bernardus, abbas, Guillelmus Bernardi, monachus, Guillelmus Ermengardi, Raimundus Iterii, Bego de Montepaone, Guillelmus de Roaiz, Bernardus Gaucelini, Guillelmus de Rivo, Pontius de Verduno, Petrus Calveria, Guillelmus Barres, Petrus Johannis, Stephanus Johannis, Petrus Canut. Hoc jusjurandum factum est in castro de Montepaone, in bertresca supradicti Ricardi.

Bibliographie

VERLAGUET (Pierre-Aloïs), Cartulaire de l’abbaye de Sylvanès, Rodez, 1910, n°488, p.412-414

Source de l'édition

Rodez, AD Aveyron, H(006) 001, cartulaire de l’abbaye de Sylvanès (cartulaire)

Comment citer cette notice

Acte n°219303 dans Chartae Galliae. Edition électronique: Institut de Recherche et d'Histoire des Textes, 2014. (Telma). [En ligne]http://www.cn-telma.fr/chartae-galliae/charte219303/. Date de mise à jour : 16/09/11. Première version : 10 juin 2010.