Donation de la moitié du territoire de Gagorgue par Bernard Bégon et son fils.

In nomine Domini. Anno incarnationis Ejusdem M°C°LXXV°, mense augusti, ego Bernardus Begonis et ego Guillelmus, filius ejus, nos ambo insimul bona fide et sine inganno, pro amore Dei et remissione peccatorum nostrorum, donamus et laudamus et titulo donationis cum hac carta tradimus Deo et monasterio Beate Marie de Salvanesc et tibi Raimundo, abbati, omnique ejusdem loci conventui presenti et futuro, totum videlicet quod habemus in territorio Gagorgue, videlicet medietatem de toto, cujus alia medietas est infantum Raimundi Arnaldi, et confrontat se cum strata Mali Pili et descendit usque ad rivum de Grauson ; et promittimus vobis per stipulationem et convenimus quod hanc donationem nostram faciemus vobis habere et tenere in pace et non veniemus contra hanc donationem et laudationem neque aliqua persona nostro consilio vel ingenio. Testes hujus rei sunt : Petrus de Raimundus de Provencos et Ugo, frater ejus, Ugo Pellicerius, Petrus Boscaus. Guillelmus scripsit.

Rodez, AD Aveyron, H(006) 001, cartulaire de l’abbaye de Sylvanès (cartulaire)