Bérenger d'Auriac, ses enfants pour Sylvanès (abbaye de)

<<</>>>

NuméroT04654

Genrecharte

Date (précise)06/1175

Authenticiténon suspecté

Languelatin

Diocèse Rodez



Auteur

Bérenger d'Auriac, ses enfants

Bénéficiaire

Sylvanès (abbaye de)

Regeste

Mise en gage des pâturages de plusieurs mas par Bérenger d’Auriac et ses enfants.

Texte

In nomine Domini. Anno incarnationis Ejusdem M°C°LXXV°, mense junio, ego Berengarius de Auriac et nos infantes ejus Guillelmus et Berengarius, nos omnes pariter bona fide et sine inganno et absque omni retentione mittimus in pignore pro CLXXX solidis Melgoriensibus tibi Ramundo, abbati de Salvanesc, et omni conventui ejusdem loci, videlicet omnes pascuas et herbas mansi de Ena et mansi de Calboisset et medii mansi de La Clapiza et medii mansi Bassi Vilar cum introitibus et exitibus suis et omnibus pertinentibus sibi et que pertinere debent ad alenda et nutrienda omnia animalia vestra cujuscumque maneriei sint ut tamdiu habeatis et possideatis eas donec reddamus vobis predictos CLXXX solidos Melgorienses vel marcham argenti pro L solidis si moneta pejorata vel affollata fuerit. Et in isto predicto pignore concedimus vobis omnes paschuas et herbas, que nostro juri pertinent a fonte Sancti Clementis sicut vadit via usque ad podium Bonissol, usque ad Sanctum Victorem et usque ad Gozon ; et promittimus vobis per stipulationem et convenimus quod omnes predictas herbas et pascuas faciemus vobis habere et tenere in pace donec reddamus vobis predictos CLXXX solidos Melgorienses, sicut supra dictum est. Et ego Guillelmus de Auriac et ego Berengarius, frater ejus, juramus, tactis sacrosanctis evangeliis, predictum pignus ut faciamus vobis illud habere et tenere in pace, sicut supra dictum est. Testes hujus rei sunt : Guillelmus de Auriac et Petrus, frater ejus, Guillelmus Rainaldi, Guillelmus Malefacti et Bertrandus, frater ejus, Guillelmus Begonis, Deodatus de Planqueta, Bernardus Bolfal et Arnaldus de Codols. Laudationis vero Guillelmi d’Auriac, qui tunc erat apud Gozonem, testes sunt : Petrus Esquirol, Ugo de Combaleiras, Guillelmus Malfacti, Gago de Casota, Deodatus Pelajol, Stephanus de Arnac, Petrus de Trossit, Geraldus de Blacheria, Petrus de Sancto Johanne et Petrus Icherii. Guillelmus scripsit.

Bibliographie

VERLAGUET (Pierre-Aloïs), Cartulaire de l’abbaye de Sylvanès, Rodez, 1910, n°480, p.403-404

Source de l'édition

Rodez, AD Aveyron, H(006) 001, cartulaire de l’abbaye de Sylvanès (cartulaire)

Comment citer cette notice

Acte n°219295 dans Chartae Galliae. Edition électronique: Institut de Recherche et d'Histoire des Textes, 2014. (Telma). [En ligne]http://www.cn-telma.fr/chartae-galliae/charte219295/. Date de mise à jour : 16/09/11. Première version : 10 juin 2010.