Roger vicomte de Béziers pour Sylvanès (abbaye de)
NuméroT04650
Genrecharte
Date (précise)03/1173
Authenticiténon suspecté
Languelatin
Diocèse Rodez
Auteur
Roger vicomte de Béziers
Bénéficiaire
Sylvanès (abbaye de)
Regeste
Confirmation par Roger, vicomte de Béziers, des donations faites par son oncle Roger et par son père Raymond Trencavel. Elle est rapportée par un vidimus du 24 août 1307.
Texte
In nomine Domini. Anno incarnationis Ejusdem M°C°LXXII°, mense martio, ego Rogerius, Biterrensis vicecomes, scio et recognosco quod Rogerius, avunculus meus, et Raimundus Trencavelli, pater meus, dederunt Deo et monasterio Beate Marie Salvaniensis et abbati atque conventui ejusdem loci presenti et futuro totum quod habebant vel aliqua persona per illos vel de illis habebat in Calmo Ramundi et in Marnes cum omnibus pertinentiis suis, videlicet terras cultas et incultas, prata, nemora, paschuas, aquas, cursus aquarum et recursus cum omnibus introitibus et exitibus suis et viis que necessaria erunt, et cum terminationibus suis, ligna etiam de forest ad construendas domos eorum et ad usus eorum necessaria ; scioquoque et recognosco quod predictus pater meus Raimundus dedit abbati et fratribus monasterii jam dicti ut nulla prorsus persona ab eis vel de rebus monasterii leddam in omni terra sua presumeret accipere : et ego Rogerius prefatus, pro amore Dei et remissione peccatorum meorum et pro remedio anime patris mei, laudo et concedo atque confirmo hec omnia predicta et sic promitto me tenere et attendere predicto monasterio et tibi Ramundo, abbati ejusdem loci, et omnibus successoribus tuis et injungo heredibus meis ut ita teneant. S. Petri, Carcass[on]ensis archidiaconi. S. Aimerici de Barbairano. S. Begonis de Brusca. S. Stolti de Podio. S. Guillermi de Castlar. S. Geraldi Senorelli. S. Bernardi de Cencenone. S. Rainonis de Brusca. Guillermus scripsit.
Bibliographie
VERLAGUET (Pierre-Aloïs), Cartulaire de l’abbaye de Sylvanès, Rodez, 1910, n°476, p.396-397
Source de l'édition
Rodez, AD Aveyron, H(006) 001, cartulaire de l’abbaye de Sylvanès (cartulaire)
Comment citer cette notice
Acte n°219291 dans Chartae Galliae. Edition électronique: Institut de Recherche et d'Histoire des Textes, 2014. (Telma). [En ligne]http://www.cn-telma.fr/chartae-galliae/charte219291/. Date de mise à jour : 16/09/11. Première version : 10 juin 2010.