Audiarde, son mari Pierre Jourdan, son fils Guilhem Jourdan pour Sylvanès (abbaye de)

<<</>>>

NuméroT04649

Genrecharte

Date (précise)1171

Authenticiténon suspecté

Languelatin

Diocèse Rodez



Auteur

Audiarde, son mari Pierre Jourdan, son fils Guilhem Jourdan

Bénéficiaire

Sylvanès (abbaye de)

Regeste

Donation de droits sur le mas d’Estorns avec renonciation à de nombreuses prétentions par Audiarde, son mari et son fils.

Texte

Anno ab incarnatione Domini M°C°LXXI°, ego Aldiardis et ego Petrus Jordani, maritus ejus, et ego Guillelmus Jordani, filius eorum, et ego Guillelmus de Castlucio, nos omnes insimul, bona fide et sine inganno et absque omni retentione, pro amore Dei et remissione peccatorum nostrorum, donamus et laudamus Deo et monasterio Beate Marie de Salvanesc et tibi Pontio, abbati, tuisque suecessoribus omnique ejusdem loci conventui presenti et futuro, totum quod habemus et habere debemus in manso de Estorns et quidquid ibi aliqua persona per nos vel de nobis habet ; et solvimus omnem clamationem et querimoniam quam de ipso manso vobis faciebamus ; et solvimus etiam vobis omnem clamationem et querimoniam quam vobis faciebamus de ecclesia de Serrutio. Damus quoque vobis et laudamus totum quod habemus et habere debemus in manso Blanco et quidquid ibi aliqua persona per nos vel de nobis habet. Similiter etiam solvimus vobis et dimittimus omnem clamationem et querimoniam quam faciebamus de territorio de Campolongo ; et laudamus et confirmamus cartam vestram, quam inde habetis, et quidquid in ea continetur. Solvimus quoque et dimittimus vobis omnem querimoniam quam vobis faciebamus de pascuis, et predictas pascuas, juxta hoc quod in carta earumdem pascuarum scriptum est, laudamus et confirmamus. Laudamus demum vobis et confirmamus omnes alias donationes quas vobis fecimus, videlicet de Pardinegas et de Cantalops et de manso de Peritio. De his omnibus supradictis erimus vobis testes et deffensores, sed ut hec omnia perpetuo jure predicto monasterio firma illibataque in perpetuum consistant, ego Petrus Jordani et ego Aldiardis, uxor ejus, et ego Guillelmus Jordani, eorum filius, et ego Guillelmus de Casllucio, tactis sacrosanctis evangeliis, juramus atque promittimus nullam nos in his omnibus controversiam moturos amodo et usque in sempiternum, De hac donatione atque solutione sive laudatione necnon confirmatione dedistis nobis de caritate CC solidos Melgorienses, ut vobis et vestris successoribus hec omnia predicta, ut dictum est, firma illibataque permaneant vosque illa possideatis absque nostra nostrorumque contrarietate. Testes hujus rei sunt : Bernardus Raimundi, Raimundus Gualquerii, Ricardus de Riparia, Petrus Jordani, Guillelmus Bertrandi, Raimundus Riols, Gibelinus et Bernardus de Grava et Guillelmus scripsit.

Bibliographie

VERLAGUET (Pierre-Aloïs), Cartulaire de l’abbaye de Sylvanès, Rodez, 1910, n°475, p.394-395

Source de l'édition

Rodez, AD Aveyron, H(006) 001, cartulaire de l’abbaye de Sylvanès (cartulaire)

Comment citer cette notice

Acte n°219290 dans Chartae Galliae. Edition électronique: Institut de Recherche et d'Histoire des Textes, 2014. (Telma). [En ligne]http://www.cn-telma.fr/chartae-galliae/charte219290/. Date de mise à jour : 16/09/11. Première version : 10 juin 2010.