Donation du mas du Rouve par Frotard de Roquessels et ses enfants.

DE DONO FROTARDI DE ROCOSEL ET INFANTUM EJUS Anno Dominice incarnationis M°C°LVII. In nomine Domini. Ego Frotardus de Rocosel et infantes mei Frotardus, Guillermus et Guillerma, nos omnes insimul, bona fide et sine inganno et absque omni retentu, pro amore Dei et remissione peccatorum nostrorum, donamus et laudamus et titulo donationis cum hac carta tradimus monasterio de Salvanesc et tibi Guiraldo, abbati, et omni ejusdem loci conventui, mansum de Felgos qui vocatur del Rovre, videlicet alodium, fevum, vicariam et beneficium et quicquid ibi habemus et habere debemus, et quicquid ibi aliqua persona per nos vel de nobis habet, et quicquid habemus et habere debemus in manso qui vocatur Bornac. Testes hujus rei sunt : Ademarus, vicecomes de Brusca, Ugo de Cencenno, Raimundus de Verzols, Guillermus de Luzenzon et Bertrandus, frater ejus, Raimundus de Sancto Felicio et Bernardus Rotgerii.

Rodez, AD Aveyron, H(006) 001, cartulaire de l’abbaye de Sylvanès (cartulaire)