Notitia traditionis vel consignationis.

Ante eos qui hanc notitiam subterfirmaverunt, quorum nomina subter tenentur inserta, qualiter veniens Ebrardus filius quondam Guigoni et Avanæ, in page [pro pago] Arvernico, in vicaria Salense, ad ecclesiam quæ est in honore S. Boniti seu ad villam quæ vocatur Lacus, quas ipse Guigo et ipsa Ava, pro remedio animarum suarum et parentum suorum et pro remedio filii sui ipsius Ebrardi, per cartam cessionis S. Petro Belliloci monasterii, in stipendiis et usibus monachorum in venturis generationibus, ubi vir venerabilis Gairulfus abbas præesse videtur, condonaverunt, sicut in ipsa carta loquitur. Tunc veniens ipse Ebrardus, introivit in ipsam ecclesiam, et veniens ad ipsam villam, per cordam de signo et hostium de domo et cespitem de terra sive ramum de arboribus, missis S. Petri et ipsius Gairulfi abbatis, Loboleno et Ebrardo monachis, manibus tradidit, in vicem patris et matris suæ, ut faciant, tam ipsi quam successores eorum, jure ecclesiastico, quicquid elegerint. Quapropter necesse fuit ut ipsi monachi Lobolenus et Ebrardus notitiam exinde colligerent et colligere deberent ; quod ita et fecerunt. His præsentibus hoc actum fuit. Factam notitiam hanc in mense novembriio, anno II Karllamandi regis. S. ipsius Ebrardi traditoris.

Paris, BNF, n.a. lat. 493, cartulaire de l’abbaye Saint-Pierre de Beaulieu (cartulaire)