Laxa Drugtrici in villa Sultrago.

Oportet unumquemque de terrenis ad cœlestia et de caducis ad mansura transire, ne forte mors improvisa aliquem imparatum inveniat ac sine ullo respectu divinæ pietatis ab hoc sæculo discedentem. Quapropter ego in Christi nomine Drugtricus consideravi casum fragilitatis hujus sæculi et de Dei misericordia confidens, res proprietatis meæ ad monasterium quod vocatur Belluslocus in honorem videlicet S. Petri, S. Felicitatis, aliorumque sanctorum, ubi vir venerabilis Gairulfus abbas præesse videtur : hoc est mansos meos qui sunt in valle Exidense, in villa quæ vocatur Sultrago : mansum ubi Doolaicus visus est manere, et alium mansum ubi Ermemarius visus est manere, qui habent fines de uno latere terram Austrandi, de alio latere terram Bonifacii, de alio latere terram S. Stephani, de quarto latere terram iterum Bonifacii. Ipsos mansos superius nominatos, cum mansione dominicaria, cum vineis, terris cultis et incultis, silvis, aquis aquarumve decursibus, omnia et ex omnibus quantumcunque ad ipsos mansos aspicit aut aspicere videtur, quantum mea cernitur esse possessio, pro remedio animæ meæ, Deo salvatori omnium offero, in stipendiis et usibus monachorum, ut post hodiernum diem habeant, teneant, possideant et faciant de ipsis rebus in omnibus jure ecclesiastico quicquid voluerint. Sane, quod minime credo, si ego ipse, immutata voluntate mea, aut ullus de heredibus meis, aut ulla immissa persona quæ contra cessionem istam ire aut inquietare præsumpserit, socio fisco, auri libras tres argenti pondera duo coactus exsolvat, et quod petit non vindicet, sed præsens cessio ista firma et stabilis permaneat cum stipulatione subnixa. Facta est hæc cessio in mense julio, anno II regnante Oddone rege. S. Dructrigi, qui hanc cessionem fieri et adfirmare rogavit. S. Archambaldi. S. Rodulfi. S. Gairardi. S. Ebrardi. S. Eliani. S. Adalardi. S Godrici. S. Ingelarii. S. iterum Gairardi. S. iterum Rodulfi.

Paris, BNF, n.a. lat. 493, cartulaire de l’abbaye Saint-Pierre de Beaulieu (cartulaire)