Frotier pour Beaulieu-sur-Mémoire (abbaye Saint-Pierre-et-Saint-Paul)

<<</>>>

NuméroT00878

Genrecharte

Date (précise)05/0887

Authenticiténon suspecté

Languelatin

Diocèse Limoges



Auteur

Frotier

Bénéficiaire

Beaulieu-sur-Mémoire (abbaye Saint-Pierre-et-Saint-Paul)

Regeste

Donum quod fecit Frotarius de villa Fellinas.

Texte

Oportet unumquemque de terrenis ad cœlestia et de caducis ad mansura transire, ne mors repentina aliquem improvisum inveniat et sine respectu divinæ pietatis ab hoc sæculo discedentem. Quamobrem ego in Christi nomine Frotarius, consideravi amorem cœlestis patriæ, et de Dei misericordia confidens, cedo res proprietatis meæ, pro remedio animæ meæ, et pro anima genitoris mei Frodini et genitricis meæ Ildegardanæ, et pro anima fratris mei Matfredi, ad monasterium quod vocatur Belluslocus, in honore SS. Petri et Felicitatis, ubi vir venerabilis Gairulfus abbas præesse videtur ; hoc est curtem meam dominicariam, quæ est in pago Caturcino, in valle Exidense, in loco ubi vocabulum est Fellinas, cum ipsa capella quæ est fundata in honorem Dei et S. Mariæ, cum omnibus ad se pertinentibus, et alios mansos : mansum ubi Teofredus manet, mansum ubi Ermenricus manet, mansum ubi Garrandus manet, mansum ubi Magnus manet, mansum ubi Silvanus manet, et alium mansum ubi Adalfredus manet, mansum ubi Deodonus manet. Hæc omnia superius nominata, cum terris, vineis, silvis, pratis, adjacentiis, omnia et ex omnibus, quantumcumque ad ipsas res aspicit aut aspicere videtur, Deo salvatori omnium et S. Petro offero, in stipendiis monachorum, ut post hodiernum diem faciant exinde, jure ecclesiastico, quicquid elegerint. De repetitionibus vero, si ego ipse, immutata voluntate, aut ullus de heredibus meis vel propinquis, vel quælibet immissa persona, quæ contra hanc cessionem ullam litem generare præsumpserit, componat et tantum et duplum tantum quantum ipsæ res melioratæ fuerint, et quod petit non vindicet, sed præsens cessio ista firma et stabilis permaneat cum stipulatione subnixa. Facta est hæc cessio in mense maio, anno tertio Karoli imperatoris. S. Frotarii qui cessionem istam fieri vel adfirmare rogavit. S. Matfredi fratris ejus, consentientis. S. Agino. S. Gisiranni. S. Rotberti. S. Gauzberti. S. Immoni. S. Franconis. S. Galtodi. S. Baldrici. S. Benjamin. S. Adalardi. S. Donadei.

Bibliographie

DELOCHE (Maximin), Cartulaire de l’abbaye de Beaulieu (en Limousin), Paris, 1859, n°XLIII, p.78-79

Source de l'édition

Paris, BNF, n.a. lat. 493, cartulaire de l’abbaye Saint-Pierre de Beaulieu (cartulaire)

Comment citer cette notice

Acte n°215519 dans Chartae Galliae. Edition électronique: Institut de Recherche et d'Histoire des Textes, 2014. (Telma). [En ligne]http://www.cn-telma.fr/chartae-galliae/charte215519/. Date de mise à jour : 16/09/11. Première version : 10 juin 2010.