Étienne du Péage, Jean de Fricourt chevaliers pour Bucquoy (village)

<<</>>>

NuméroF11537

Genrecharte

Date (précise)01/1273

Authenticiténon suspecté

Languefrançais

Diocèse Arras



Auteur

Étienne du Péage, Jean de Fricourt chevaliers

Bénéficiaire

Bucquoy (village)

Regeste

Étienne du Péage et Jean de Fricourt, chevaliers, reproduisent le même acte d’avril 1271/72 (voir acte n° 329) et procèdent au partage de la haute justice dans le village de Bucquoy entre Robert [II], comte d’Artois, et Guy III de Châtillon, comte de Saint-Pol, en énumérant les fiefs et les arrière-fiefs sur lesquels chacun se verra reconnaître le droit de haute justice. Les deux comtes approuvent l’accord et apposent leurs sceaux.

Texte

Nous Estieuenes dou Paiage et Jehans de Friuecourt, chevalier, faisons savoir a tous chiaus ki sont et ki a venir sont ke, comme nous aions recheu les letres de nobles hommes nos chiers siegneurs, de Robert, conte d’Arthois, et de Guyon de Castellon, conte de Saint Pol, en paroles de latin si com eles sont chi apres devisees et escrites : (Suit l’acte de Robert II d’Artois reproduit dans l’acte n° 11537) Nous, selonch le fourme des letres devant dites et par le consel de preudommes, avons devisee et partie le haute justice des fiés et des arrierefiés ki muevent de le vile de Buscoi ke li cuens de Saint Pol tient du conte d’Artois. Et che est li partie de le haute justice ki demeure au conte d’Arthois et a ses hoirs es fiés et es arrierefiés de le vile devant dite, ce est a savoir, premierement, arrierefief ki muevent del houmage monsigneur Jehan de Saire, lesquels arrierefiés il tient en sen hommage dou conte de Saint Pol ; et en ces arrierefiés est li tenance et li arrierefiés Bauduin de Logest ; item, li tenance et li arrierefiés Jehan dou Bos ; item, li arrierefiés Symon dou Bos qu’il tient de Jehan dou Bos ; item, li arrierefiés Warnier de Hendecourt k’il tient de Jehan dou Bos ; item, li arrierefiés Pieron de Hendecourt k’il tient de Jehan dou Bos ; item, li arrierefiés Robaut fil mon signeur Jehan de Saire ; item, li arriere fié dou fil Jehan Coterel qu’il tient de Pieron Coterel et de mon signeur Jehan de Saire ; item, li arrierefiés Jehan Guifroi ; item, li tenance Margritain de le Vigne ; item, li arriere fiés Jehan de Logest. Item, en ceste partie est li fiés mon signeur Jehan de Goumecort et li arriere fié ki muevent de cest meisme fié, ce est a savoir li arriere fiés Huon Rete ; item, li arrierefiés Jehan dou Bos ; item, li arrierefiés Pieron de Douchi ; item, li arrierefiés Bauduin de Logest ; item, li arrierefiés Rogier de Biaumont k’il tient de Bauduin de Logest, li arrierefiés Gillon Caperon qu’il tient dou signeur de Goumecourt, li arrierefiés ki fu Jehan Cresson k’il tient dou signeur de Goumecourt, li arriere fiés Peleus ; item, li arrierefiés Pieron Widrele ke il tient dou signeur de Goumecourt ; item, li arrierefiés Bauduin Coterel ke il tient dou signeur de Goumecourt ; item, li arrierefiés Ernoul le Vilain qu’il tient dou signeur de Goumecourt ; item, li arrierefiés Jehan de Courceles ke il tient dou signeur de Goumecourt ; item, li arrierefiés Jakemon le Fourier qu’il tient dou siegneur de Goumecourt ; item, li arrierefiés Jehan de Douchi qu’il tient dou siegneur de Goumecourt ; item, li tenanche le feme Jehan Coterel k’ele tient dou signeur de Goumecourt ou tieroir de Buschoi. Item, en ceste partie sont li arriere fief qui muevent des fiés Pieron Groignart, c’est a savoir li arrierefiés mon signeur Jehan de Saire ; item, li arrierefiés Jehan de Goumecort ; item, li arrierefiés Warnier de Hamelaincort k’il tient de Pieron Groignart ; item, li arriere fiés Jehan de Goumecourt k’il tient de Warnier de Hamelaincort ; item, li arrierefiés Gillon de Marchaus k’il tient de Pieron Grongnart ; item, li arrierefiés Beket de Baillescourt qu’il tient de Pieron Grongnart ; item, li arrierefiés Symon le fil Bertoul Hesselin ke il tient de Pieron Grongnart ; item, li arrierefiés Gillon Willart ke il tient de Pieron Grongnart ; item, li arrierefiés Bauduin de Logest ke il tient de Pieron Grongnart ; item, li arrierefiés Bauduin Cosset qu’il tient de Bauduin de Logest ; item, li arrierefiés Jehan Fourdin k’il tient de Pieron Grongnart ; item, li arrierefiés le fil Jehan Coterel qu’il tient de Pieron Grongnart ; item, li arrierefiés le fil Williaume l’Enfant k’il tient de Pieron Grongnart ; item, li arrierefiés le fil Warnier Willart que il tient de Pieron Grongnart ; item, li arrierefiés Pieron Willart k’il tient de Pieron Groignart ; item, li arrierefiés Gillon Potage k’il tient de Pieron Groignart ; item, li arrierefiés Gillon Esrachekaisne qu’il tient de Pieron Grongnart ; item, li arrierefiés Gillon d’Aubainsevele qu’il tient de Pieron Grongnart ; item, li arrierefiés Ansel d’Ayssiel qu’il tient de Gillon d’Aubainsevele ; item, li arrierefiés Gillon de Aubainsevele qu’il tient de Pieron Grongnart ; item, li arrierefiés Gillon d’Aubainsevele qu’il tient de Pieron Groignart. Item, en ceste partie sont li arrierefief qui muevent dou fief Jehan dou Castel, ce est a savoir li arrierefiés Thumas de Carenchi ; item, li arrierefiés Williaume de Heraugieure ; item, li arrierefiés Williaume de Aeste ; item, li arrierefiés Vaast Gresent k’il tient de Williaume d’Aeste ; item, li arrierefiés Williaume Dausse qu’il tient de Williaume d’Aeste ; item, li arrierefiés Francois k’il tient de Williaume d’Aeste ; item, li arrierefiés Williaume de Courcheles qu’il tient de Jehan du Castel ; item, li arrierefiés Jehan del Atre qu’il tient de Jehan du Castel ; item, li arrierefiés Gillon de Hendecourt qu’il tient de Jehan del Atre ; item, li arrierefiés Jehan de Sailli k’il tient de Jehan del Atre. Item, en ceste partie est li fiés Jehan de Martinpuch de choi il est hom liges au conte et pers de son castel a Buschoi. Item, en ceste partie est li fiés mon signeur Jehan de Bailues de choi il est hom liges au conte. Item, li fiés mon signeur Wistasse de Hardecourt de choi il est hom liges au conte. Item, li fiés Wistasse de le Forest de choi il est hom liges au conte. Item, li fiés mon signeur Huon du Sart de coi il est hom liges au conte. Item, li fiés Gillon d’Estroumel de choi il est hom liges au conte. Item, li fiés Beket de Baillescourt de coi il est hom liges au conte. Item, li fiés Ysabel d’Aveluis de choi ele est demi lige a Beket de Baillescourt. Item, li fiés Gillon Esrachekaisne de choi il est hom demi liges au conte. Item, li fiés Gillon Potage de choi il est hom liges au conte. Item, li fiés mon signeur Pieron de Moilammes de choi il est liges hom au conte. Item, li fiés Jehan Buridan. Item, li fiés le fil Bertoul Hesselin de coi il est hom au conte a VII s. et demi. Item, li fiés Marien Boistiele de coi ele est hom au conte a VII s. et demi. Item, li fiés Bauduin de Baillescort de choi il est hom au conte a VII s. et demi. Item, li fiés Gillon Potage de choi il est hom au conte a VII s. et demi. Item, li fiés Jakemon d’Arras de coi il est hom au conte a VII s. et demi. Item, li fiés Jakemon Poket de coi il est hom au conte a VII s. et demi. Item, li fiés Bauduin Drieuon de coi il est hom au conte a VII s. et demi. Item et en ceste partie est li tenemens l’abbeesse de Berteaucourt k’ele tient du conte el tieroir de Buschoi. Item, li tenemens l’abbeesse d’Estruem ke ele tient a Aeste. Item, li fiés Jehan dou Bos de coi il est hom au conte a VII s. et demi. Item, en ceste partie sont li arrierefief ke on tient de mon signeur Williaume de Hellebusterne et de Williaume de Buschoi, ce est a savoir li arrierefiés monsigneur Robert de Goumecourt de choi il est liges hom a mon signeur Williaume de Hellebusterne ; item, li arrierefiés Robert de Saire qu’il tient de mon signeur Williaume de Hellebusterne ; item, li arrierefiés Bauduin de Logest k’il tient de Williaume de Buschoi ; item, li arrierefiés Jehan d’Ayette ke il tient de Bauduin de Logest ; item, li arrierefiés Jehan Avechin ke il tient de Jehan d’Aeste ; item, li arrierefiés Jehan de Sailli ke il tient de Jehan d’Aeste ; item, li arrierefiés Bauduin Cosset ke il tient de Jehan d’Ayeste ; item, li arrierefiés Marien le Braconniere k’ele tient de Bauduin de Logest ; item, li arrierefiés Mehaut le fille Vaast de Logest k’ele tient de Bauduin de Logest ; item, li arrierefiés Gillon de Marchiaus qu’il tient de Bauduin de Logest ; item, li arrierefiés le fil de Robert de Bekerel k’il tient de Bauduin de Logest ; item, li arrierefiés Wistasse Coterel de coi il est hom liges a Williaume de Buschoi et pers de sen castiel ; item, li arrierefiés Adan de Danrihier de choi il est hom demi liges a Wistasse Coterel ; item, li arrierefiés Williaume de Honnecourt de choi il est hom liges a Williaume de Buschoi et pers de sen castel ; item, li arrrierefiés Gillon de Marchiaus de choi il est hom Williaume de Honnecourt a VII s. et demi ; item, li arrierefiés Jehan Onfran de coi il est hom Williaume de Honnecourt a VII s. et demi ; item, li arrierefiés Gillon Esrachekaisne de choi il est hom Williaume de Honnecourt a VII s. et demi ; item, li arrierefiés Jehan Fourdin de choi il est hom liges a Williaume de Buschoi ; item, li arrierefiés Ansel Fourdin de coi il est liges hom a Jehan Fourdin ; item, li arrierefiés Gillete le fille Maihieu de Bepaumes de choi ele est hom Jehan Fourdin a VII s. et demi ; item, li arrierefiés monsigneur Huon de Buschoi de choi il est hom liges a Williaume de Buschoi ; item, li arrierefiés Maihieu de Buschoi de choi il est hom liges a Williaume de Buschoi ; item, li arrierefiés Colars de Moiienevile de coi il est liges hom a Williaume de Buschoi ; item, li arrierefiés Gotran de Douchi de coi il est hom demi liges a Colars de Moiienevile ; item, li arrierefiés Gillot d’Aubainsevele de choi il est hom liges a Williaume de Buschoi ; item, li arrierefiés Gerart le Gay de coi il est hom Gillot d’Aubainsevele a VII s. et demi ; item, li arrierefiés Jehan le Carpentier de choi il est hom Gillot d’Aubainsevele a VII s. et demi ; item, li arrierefiés Jehan de Boiele de choi il est hom Gillot d’Aubainsevele a VII s. et demi ; item, li arrierefiés Huon Kierat de choi il est liges hom a Williaume de Buschoi ; item, li arriere fiés de choi il est liges hom a se feme ; item, li arriere fiés Jehan Alesin de choi il est hom Huon Kierat a VII s. et demi ; item, li arriere fiés Vaastin Alesin de choi il est hom Huon Kierat a VII s. et demi ; item, li arrierefiés Jehan Nedel de coi il est hom liges a Williaume de Buschoi ; item, li arrierefiés Jehan de Douchi de choi il est hom liges a Williaume de Buschoi ; item, li arrierefiés Robert Gamelon de coi il est hom Jehan de Douchi a VII s. et demi ; item, li arrierefiés Pieron Groingnart de coi il est demi liges hom a Williaume de Buschoi ; item, li arrierefiés Raoul Wenehier de coi il est demi liges hom a Pieron Groingnart ; item, li arrierefiés Jehan de Serinviler de coi il est demi liges hom a Pieron Groingart ; item, li arrierefiés Jehan le Maieur de choi il est hom Pieron Groingnart a VII s. et demi ; item, li arrierefiés Gillot de Saint Amant de choi il est demi liges hom a Williaume de Buschoi ; item, li arrierefiés mon signeur Robert de Goumecourt de choi il est hom a Williaume de Buschoi a VII s. et demi ; item, li arrierefiés Gillot de Goumecort de choi il est hom Williaume de Buschoi a VII s. et demi ; item, li arrierefiés Jehan de Dyerviler de choi il est hom a Williaume de Buschoi a VII s. et demi ; item, li arrierefiés Jehan de Logest le fil Robert de Logest de choi il est hom Williaume de Buschoi a VII s. et demi ; item, li arrierefiés Jehan Gregoire de coi il est hom Jehan de Logest a VII s. et demi ; item, li arrierefiés Jehan de Logest de coi il est hom Williaume de Buschoi a VII s. et demi ; item, li arrierefiés Jehan Pesiel de choi il est hom Williaume de Buschoi a VII s. et demi ; item, li arrierefiés Rogier Bommel de choi il est hom Williaume de Buschoi a VII s. et demi ; item, li arrierefiés Bauduin le Maieur de Courcheles de choi il est hom Williaume de Buschoi a VII s. et demi ; item, li arrierefiés Gillon Potage de coi il est hom Williaume de Buschoi a VII s. et demi ; item, li arrierefiés Bauduin Panier de Aveluys de coi il est hom Williaume de Buschoi a VII s. et demi ; item, li arrierefiés Bauduin l’Enfant de coi il est hom Williaume de Buschoi a VII s. et demi ; item, li arrierefiés Bauduin de Leuval de coi il est hom Williaume de Buschoi a VII s. et demi ; item, li arrierefiés Jehan Guifroi de coi il est hom Williaume de Buschoi a VII s. et demi ; item, li arrierefiés <…> de le Crois de choi il est hom Williaume de Buschoi a VII s. et demi ; item, li arrierefiés le fille maistre Jehan Estriket de choi ele est hom Williaume de Buschoi a VII s. et demi ; item, li arrierefiés Jehanet de Bairi de coi il est hom Williaume de Buschoi a VII s. et demi ; item, li arrierefiés Williaume de Marchiaus de coi il est hom Williaume de Buschoi a VII s. et emi ; item, li arrierefiés Maihieu le Tailleur de coi il est hom Williaume de Buschoi a VII s. et demi ; item, li arrierefiés le fille demisiele Marien de Santers de coi il est hom Williaume de Buschoi a VII s. et demi ; item, li arrierefiés le fil Jehan Coterel de coi il est hom Williaume de Buschoi a VII s. et demi. Item, en ceste partie est li tenance Gillon de Courcheles. Item, li tenance Cholart Wiberc qu’il tient du conte a rente. Item, li tenance Hubert de Berle qu’il tient dou conte a rente. En ces fiés et en ces arrierefiés devant dis et devisés et en toutes les apartenances a li quens d’Arthois le haute justice, et si oir. Et che est li partie le conte de Saint Pol, c’est a savoir tous li fiés ke me sire Jehans de Saire tient en sen demaine dou conte de Saint Pol ; item, li arrierefiés Robert de Saire k’il tient de mon signeur Jehan de Saire ; item, li arrierefiés Williaume de Heraugrieue k’il tient de mon signeur Jehan de Saire ; item, li arrierefiés Pieron Coterel k’il tient de mon signeur Jehan de Saire ; item, li arrierefiés Thumas d’Ayette k’il tient de mon signeur Jehan de Saire. Item, li disme Pieron Grongnart de choi il est hom liges au conte de Saint Pol ; item, li arrierefiés Jehan le Nostre de choi il est demi liges hom Pieron Grongnart. Item, li demaines Huon de Puiseus de choi il est liges hom au conte de Saint Pol et pers de sen castiel de Buschoi ; item, li arrierefiés Gillon de Bihercourt de choi il est hom liges au signeur de Puiseus ; item, li arrierefiés Adain de Baillescourt de coi ele est hom demi liges a Gillon de Bihiercourt ; item, li arrierefiés mon signeur Symon de Puiseus dont il est hom a Gillon de Bihiercourt ; item, li arrierefiés Symon Agache dont il est hom Gillon de Bihiercourt ; item, li arrierefiés Symon le fil Bertoul Hesselin dont il est hom a Gillon de Bihiercourt ; item, li arrierefiés Symon le Vaasseur de choi il est hom a Symon de Puiseus ; item, li arrierefiés Mikiel ki fu fiex le signeur de Puiseus dont il est hom Huon de Puiseus ; item, li arrierefiés Mikiel de Puiseus de coi il est hom a Huon de Puiseus ; item, li arrierefiés mon signeur Symon de Puyseus dont il est hom a Huon de Puiseus ; item, li arrierefiés Pieron Lochart de coi il est hom a Huon de Puiseus ; item, li arrierefiés mon signeur Adan Caingnet de coi il est hom a Huon de Puiseus ; item, li arrierefiés le fil Robillart de coi il est hom a Huon de Puiseus ; item, li arrierefiés Colart Crestien qu’il tient de Huon de Puiseus ; item, li arrierefiés Pieron Soihier k’il tient de Huon de Puiseus ; item, li arrierefiés Pieron de Nuevile k’il tient de Huon de Puiseus ; item, li arrierefiés Robert le Vilain qu’il tient de Huon de Puiseus ; item, li arrierefiés Pieron Videlaine qu’il tient de Huon de Puiseus. Item, en ceste partie est li fiés Jehan du Castiel de coi il est hom liges au conte de Saint Pol et pers de sen castel de Buschoi. Item, li fiés Williaume de Honnecourt dont il est demi liges hom au conte de Saint Pol. Item, en ceste partie est li tere l’abbé d’Arouaise ki siet a Dyervile. Item, li maladerie de Buschoi. Item, li fiés Williaume de Honnecourt de coi il est hom au conte. Item, li fiés Williaume de Buschoi dont il est hom au conte de Saint Pol ; item, li arrierefiés mon signeur Williaume de Hellebusterne dont il est hom a Williaume de Buschoi ; item, li arrierefiés mon signeur de Tranvile dont il est hom a mon signeur Williaume de Hellebusterne ; item, li arrierefiés Gillon de Doubiemont dont il est hom mon signeur Williaume de Hellebusterne ; item, li arrierefiés Gillon de Marchiaus dont il est hom a Gillon dou Biemont ; item, li arrierefiés Jehan Crokefer dont il est hom Gillon dou Biemont ; item, li arrierefiés Symon Agache k’il tient de mon signeur de Hellebusterne ; item, li arrierefiés dame Bienliavient de coi ele est hom a mon signeur Williaume de Hellebusterne ; item, li arrierefiés dame Ydone de Puiseus k’ele tient de mon signeur Williaume de Hellebusterne ; item, li arrierefiés Aubert de Goumecort de coi il est hom au signeur de Hellebusterne ; item, li arrierefiés Robert le fil mon signeur Wautier qu’il tient dou signeur de Hellebusterne ; item, li arrierefiés Bernart Ybele qu’il tient de mon signeur de Hellebusterne ; item, li arrierefiés Bauduin Malebranke qu’il tient dou signeur de Hellebusterne ; item, li arrierefiés Jehan Froment qu’il tient dou signeur de Hellebusterne ; item, li arrierefiés Jakemon d’Arras qu’il tient dou signeur de Hellebusterne ; item, li arrierefiés mon signeur Gillon de Bousincort de choi il est hom Williaume de Buschoi et pers de sen castel ; item, li arrierefiés Beket de Baillescourt de coi il est hom au signeur de Bousincort ; item, li arrierefiés Raoul de Buschoi qu’il tient de Williaume de Buschoi ; item, li arrierefiés Symon Agache qu’il tient de Williaume de Buschoi ; item, li arrierefiés Gillon dou Biemont qu’il tient de Williaume de Buschoi. Item, en ceste partie est li tenemens Juliane d’Arras k’ele tient du conte de Saint Pol a rente ou tieroir de Buschoi. Item, li tenemens Huon le Telier. Item, li tenemens Williaume de Heraugieure. Item, li tenemens le feme Huon Rete. Item, li tenemens Waukier d’Ayssiel. Item, li tenemens les enfant Grart de Buschoi. Item, li tenemens les enfans Bertoul Hesselin. Item, toute li vile de Buschoi et li courtil de cele meisme vile. Item, tout chou ke li quens de Saint Pol tient en sen demaine dou conte d’Arthois. En tous les fiés et les arrierefiés et en tous les autres tenemens chi deseure devisés en le partie le conte de Saint Pol et en toutes les apartenances demeure li haute justice au conte de Saint Pol et a ses hoirs. Et pour chou ke ces parties de le haute justiche chi deseure pour l’une partie et pour l’autre devisees soient fermes et estaules parduraulement, nous Estieuenes du Paiage et Jehans de Fruiecourt, chevalier, devant nommé, avons mis nos seaus a ces presentes letres. Et nous Robers, quens d’Arthois, et Guys de Castellon, quens de Saint Pol, ki nous sommes acordé as parties devant dites, avons pendus nos seaus en ces letres avoekes les seaus des deux chevaliers devant dis por cou ke les parties ne puissent estre corrumpues ne enfraintes ou tans a avenir. Ce fu fait en l’an del incarnation nostre Signeur mil et deus cens et sexante et douze, el mois de jenvier.

Bibliographie

NIEUS (Jean-François), Les chartes des comtes de Saint-Pol (XIe-XIIIe siècles), Turnhout, 2008, n° 331, p. 405-411

Responsable

Benoit Tock

Source de l'édition

Dainville, AD Pas-de-Calais, A 21, n° 4 (original)

Comment citer cette notice

Acte n°212174 dans Chartae Galliae. Edition électronique: Institut de Recherche et d'Histoire des Textes, 2014. (Telma). [En ligne]http://www.cn-telma.fr/chartae-galliae/charte212174/. Date de mise à jour : 16/09/11. Première version : 10 juin 2010.