Vente à l’abbé et au couvent de Saint-Urbain par Régnier de Curel, chevalier, avec l’accord d’Agnès, sa femme, moyennant 60 livres tournois, de tout ce qu’il possède à Maizières-les-Joinville, soit un revenu d’environ vingt-six setiers de grain à la mesure de Joinville, moitié blé d’hiver, moitié avoine, et 28 deniers de cens, le tout tenu en fief des religieux. — Acte établi au nom et sous les sceaux d’Étienne, doyen de Saint-Laurent de Joinville, et d’Herbert, doyen de chrétienté du lieu.

A touz cex qui ces lettres verront et orront, nous, Estenes, doyens de Saint Lorant de Jainvile, et Hayberz, doyens de la-crestientei de Jainvile, salut an Nostre Seigneur. Nous fasons savoir a-touz que, an nostre presence establiz, mes sires Reniers de Curel, chevaliers, a reconneu par davent nous de son bouen grei que il a vendu a-l-abbey et au couvent de Saint Ourbain quan que il avoit a-Maisieres, an finages et anz apartenances et an terrages de la vile, c-est a-savoir vint et seix setiere de blef ou anqui antour, mouitié wain moutié avoinne, a-la mesuire de Jainvile, et vint et oit deniers de cens [ou] anqui antour, a-touz jourz a-tenir et a-avoir, por sexante livres de tournois, des queix li diz chevaliers se tient a-paiez antieremant an deniers contanz des davent diz abbey et couvent de Saint Ourbain. Les queix choses devent dites, c-est a-savoir lou bleif davent dit et les deniers davent diz, li diz chevaliers tenoit an fié et an houmage des davent diz abbey et couvent de-Saint Ourbain. Et ceste vendue davent dite a loee et ottroie par davent nous ma dame Agnés, fame au chevalier davent dit. Et a-promis li diz chevaliers an bonne foi par davent nous a-pourteir leal garentie de la vendue davent dite anver toutes genz qui a droit an voudroie venir. Et por ce que ce soit ferme chose et estable, nous avons saalees ces lettres de noz saés, a la requeste des diz [chevalie]r et ma dame Agnel, sa fame. Ce fu fait an l-an de grace mil dous cenz et sexan[te] et nuef anz, an mois de janvier.

Benoit Tock

Choignes, AD Haute-Marne, 9 H 22 (fonds de l'abbaye de Saint-Urbain) (original)