Haimard, évêque de Soissons, investit Enguerran, prévôt (procuror) de Prémontré, d’un demi-muid de froment, mesure de Soissons, qu’avec l’accord de divers membres de sa famille, Helvide, veuve du chevalier Philippe de Montgobert, a vendu à l’abbaye sur la rente annuelle, assise sur la maison de Valpriez, que lui verse Prémontré. Son frère Hugues, dont mouvait la rente, et Adam de Vilers, seigneur féodal, s’en sont successivement dessaisis.

Ego Haymardus, divina miseratione Suessionensis ecclesie minister humilis, omnibus in perpetuum. Notum facimus tam presentibus quam futuris, quod Helvidis, relicta Philippi de Monte Gomberti militis, propter urgentissimam necessitatem suam vendidit ecclesie Premonstratensi dimidium modium frumenti ad mensuram suessionensem de redditu illo, qui debebatur ei annuatim in domo de Valdeperiers, de assensu Hugonis et Odardi fratrum suorum necnon et Reneri filii sui et Egline filie sed et Radulphi mariti ejusdem Egline. Quin etiam ut venditio ipsa majorem in posterum habeat firmitatem, devestivit se de eodem blado in manum dicti Hugonis fratris sui, de cujus feodo movebat, et Hugo in manum Ade de Vilers, cujus inde homo erat, et Adam in manum nostram ut Premonstratensis ecclesia per nos inde investiretur. Prenominati autem omnes fidem dederunt corporaliter in manum nostram, quod venditionem predictam ratam habebunt nec aliquid per se vel per alios super hoc in dampnum ecclesie Premonstratensis machinabuntur; immo adversus omnes, qui juri stare voluerint, legittimam warandiam portabunt et super ipsa warandia portanda posuerunt in ostagium totum residuum bladi, quod movet de eodem feodo in domo de Valdeperiers. Nos itaque ad petitionem omnium prenominatorum investivimus fratem Ingelrannum, provisorem Premonstratensem, nomine ecclesie Premonstratensis, de sepedicto blado in perpetuum tenendo. Ne igitur aliquid de supradictis cujusquam in posterum possit in malignitate mutari, presentem paginam super hiis, que prescripta sunt, episcopali auctoritate confectam sigilli nostri fecimus appensione muniri. Actum publice in domo nostra, que dicitur de Septem Montibus, pridie idus martii, anno gratie M° CC° octavo decimo.

Benoit Tock

Laon, AD Aisne, H 753 fol. (cartulaire)