In nomine Domini Dei æterni et salvatoris nostri Jhesu Xpisti. Odo, clemencia Dei rex. Si petitionibus servorum Dei aurem nostræ pietatis accomodamus et eorum utilitatibus consulumus, Deum omnipotentem super hac retributorem habere confidimus. Quocirca noverit omnium sanctæ Dei ecclesiæ fidelium nostrorumque tam presentium quam et futurorum sollertia, quoniam, adiens celsitudinem nostram, quidam monachus Aginus nomine, qui cellam, quam Sadrevertus abbas a serenissimo pie recordationis Karolo impetrare decertaverat, ante presentiam fidelium nostrorum repetiit.. Quam ob causam cum ad placitum nostrum apud Vermeriam venissent, afuerunt inibi Fulco venerabilis archiepiscopus, Dido episcopus, Honoratus episcopus, Riculfus episcopus, qui illius proclamationis repetitionem more antecessorum suorum discutiendo investigarent. Cujus petitionem inutilem invenientes, talem eidem sententiam diffiniendo dederunt, ut monasterium ex Manso Corboni, qui Nova Cella dicitur, pergeret, atque sub abbatis Erchengerii ordinatione regulariter consisteret, nihil amplius ex hac nefaria repetitione se intermittens. Quorum diffinitionem inanem adjudicans, eandem cellam ausu temerario iterando repetiit. Quapropter jam nominatus abbas Erchengerius, nostram adiens excellentiam, obtulitnobis precepta antecessorum nostrorum, regum scilicet, atque privilegia Apostolicæ sedis, ubi continebatur qualiter monasteriolum, quod quondam Alfa vocabatur, Manso Corboni qui nova Cella dicitur, subjectum priscis temporibus dinosceretur, atque super hoc nostræ altitudinis preceptum expetiit, ut jam nominatum monasteriolum suæ ditioni ejusque successorum pareret. Cujus petitionem ratam invenientes, una cum consensu fidelium nostrorum id fieri decrevimus, eo videlicet more et tenore, ut predictus abba Erchengerius successoresque sui idem monasterium nec non sui monachi ac familia illorum cum omnibus sibi legaliter pertinentibus sub tuitione nostra perpetualiter maneant; vel nullus alterius loci monachum in eorum cænobio mittere presumat nec aliquem infra eorum congregatione ministerialem facere nisi et ipsis; et secundum sancti Benedicti institutionem exs ese non ex aliis habeant eligendi licentiam abbatem. Et, ut hoc preceptum per omnia tempora majorem in Dei nomine obtineat firmitatis vigorem, manu propria eum subter firmavimus atque anuli nostri impressione insigniri jussimus. Signum Odonis (place du monogramme royal) gloriosissimi regis. Throannus notarius ad vicem Askerici episcopi recognovit et subscripsit. Data II kalendas octobris indictione X, anno incarnationis Dominicæ D CCC XCII, anno quinto regnante domno Odone gloriosissimo rege. Actum aput villa Coneda in Dei nomine feliciter. Amen. Amen.

Benoit Tock

Troyes, AD Aube (original)