Sentence rendue par Etienne, doyen de la chrétienté de Villemaur, en faveur de Blanchard contre Pierre le Sourd, de Fontvannes, chevalier, au sujet d'un terrage et d'une redevance de 7 bichets d'avoine.

Ego Stephanus, decanus christianitatis de Villamauri, notum facio omnibus presentes litteras inspecturis, quod cum causa verteretur coram me inter magistrum Blanchardum, ex una parte, et Petrum Surdum, militem, de Fonvenna, ex alia, super quodam legato, videlicet terragio et quadam costuma septem bichetorum avene, que Iterus, miles, dicto Blanchardo legaverat personnaliter; tandem partibus citatis, lite contestata contra predictum Petrum, qui legatum impediebat, qui allegabat predictos redditus ad eum jure hereditario devenire, testibus productis et receptis, et ordine judiciario publicatis, et die assignata ad dicendum in testes vel in dicta testium, et de audienda sentencia diffinitiva: tandem bonorum virorum usus consilio, predictos redditus predicto Blanchardo per sententiam diffinitivam adjudicavi. - Actum anno Domini M° CC° XX° primo, mense augusto.

Benoit Tock

Troyes, BM, ms. 2755 (cartulaire)