François de Bort commandeur du Temple pour Provins (commanderie du Temple)

<<</>>>

NuméroF05096

Genrecharte

Date (précise)21/03/1274

Authenticiténon suspecté

Languefrançais

Diocèse Sens



Auteur

François de Bort commandeur du Temple

Bénéficiaire

Provins (commanderie du Temple)

Regeste

François de Bort, commandeur du Temple, confirme l’échange fait entre Renier Accorre et les Templiers de Provins

Texte

A tous çaux que ces presentes letres verront et orront, freres François de Bort, commanderres de la chevalerie dou Temple, tenenz le leu de commandeur en France, salut. Tuit oient queneu que nous l’eschange et la permutation fete par notre amé en Jhesu Crit religiex home frere Jehan de Monceaus, commendeur de la baillie de Brie, à saige home Renier Acorre, chambellam noble dame la reine de Navarre, d’une meson assise à Changi, et de dis solz de moison et un denier de cens, lesquiex la meson dou Temple avoit à Provins ou leu où li frere de Saint Jasques demeurent, lesquiex toutes choses lidiz commanderres a otroié audit Renier à avoir et apartenir à tozjors pour cinquante solz et sis deniers de cens, esquiex notre mesons de Provins estoit tenue chascun [an] audit Renier, rathefions et otroions et confermons par la teneur de ces lettres. Ou tesmoing de laquel chose, nous avons mis notre seel an ces presentes lettres, et a fermeté de grigneur force. Datum XIIº kalendas aprilis, anno Domini Mº CCº septuagesimo quarto.

Bibliographie

CARRIERE (Victor), Histoire et cartulaire des templiers de Provins, Paris, 1919, n°CLIII

Responsable

Benoit Tock

Source de l'édition

Paris, Arch. Nat., S 5162B (cartulaire)

Comment citer cette notice

Acte n°205733 dans Chartae Galliae. Edition électronique: Institut de Recherche et d'Histoire des Textes, 2014. (Telma). [En ligne]http://www.cn-telma.fr/chartae-galliae/charte205733/. Date de mise à jour : 16/09/11. Première version : 10 juin 2010.