Étienne de la Beuvrière, chevalier, notifie que le chapitre de Béthune lui doit une rente de deux setiers de vin, en retour d’un droit de terrage à Sévelingues et de la redevance d’une oie blanche.

Ego Stephanus de Beveria, notum facio universis presentibus et futuris etc. quod viri venerabiles J. prepositus totumque capitulum beati Bartholomei in Bethunia ratione terragii quod tenent de me apud Sevelenghe, michi et meis successoribus tenentur in duobus sextariis vini de redditu carioris quod apud Bethuniam in festo beati Bartholomei apostoli quolibet anno vendetur, mihi et meis successoribus post me in jamdicto festo singulis annis in perpetuum persolvendo. Qua die ego et mei successores unum album anserem solvere tenebimur preposito et capitulo supradictis in futurum. Et sciendum est quod pro dicto terragio debent ipsi prepositus et capitulum mihi et meis successoribus tenentem unum ponere, ad cujus decessum ipsi debent nobis de relevio quatuordecim solidos parisienses tantum et alium tenentem ponere, et simili modo facere post decessum cujuslibet tenentis in perpetuum et nichil omnino aliud quam ea que sunt scripta poterimus petere a preposito et capitulo, neque ego, neque successores mei supradicti. Actum anno incarnationis dominice Mº. CCº. quadrasesimo nono, mense junio.

Benoit Tock

Dainville, AD Pas-de-Calais, 6 G3 (cartulaire)