Donation faite aux Templiers par Mathieu 2, comte de Beaumont, d'une maison et d'un four, situés à Paris.

In nomine Sancte et individue Trinitatis. Notum sit omnibus Dei fidelibus, et insuper Sancte Matris ecclesie prelatis, tam presentibus quam futuris, quod Matheus, comes Bellimontis, dedit Deo et fratribus templi Salomonis, pro redemptione anime sue et patris sui et matris sue et antecessorum suorum, furnum quem ante Portam-Parisius habebat, et omnia ad furnum pertinentia, in perpetuum, libere et quiete, possidendum; et preter hoc, XL. I. solid. den. minus quos in terra de Ruilli censuales habebat; et insuper XVII sext. avene et unam minam et gallinas, que sibi, per singulos annos, ex eadem terra, reddebantur. Dedit quoque domum Frogerii Asinarii, ante Barras sitam, et omnem prefatæ domus justiciam que sua libera erat, et portum eidem domui adjacentem. Ut hoc autem firmum et inviolabile in perpetuum maneat, huic donacioni testes affuerunt: clerici, Hubertus, dechanus, Reinaldus, precentor Compendii, et Nicholaus, comitis notarius; milites: Petrus de Runcheroles, Willelmus de Mennilio, Petrus de Borrengo; famuli Petrus, major Cambliaci, Odo de Guviz. Et de fratribus Templi: fr. G. de Drusencurt, fr. Walerannus.

Benoit Tock

Paris, Arch. Nat., S 5086, n. 1 (original)