Guillaume 2 comte de Pontieu pour Templiers (ordre)

<<</>>>

NuméroF02034

Genrecharte

Date (précise)06/1205

Authenticiténon suspecté

Languelatin



Auteur

Guillaume 2 comte de Pontieu

Bénéficiaire

Templiers (ordre)

Regeste

Accord par-devant le comte de Pontieu entre les Templiers et Robert des Autheux au sujet du quart du terroir de Longuevillette attribué audit Robert moyennant une rente de quatre muids de blé et deux muids d'avoine sur son moulin de Doullens.

Texte

Ego Willelmus, comes Mosterolii et Pontivii, notum facio omnibus tam presentibus quam futuris quod, cum inter fratres militie Templi ex una parte, et Robertum de Altaribus et Ybertum, patrem ejus, ex altera, super quarta parte tocius territorii Longe Ville querela diu agitata fuisset, tandem consilio virorum bonorum inter ipsos fratres et dictum Robertum in presentia mea pax reformata est in hunc modum quod memoratus Robertus et successor ejus prefatis fratribus quatuor modios bladii et duos modios legitime avene ad mensuram Durlendii singulis annis persolvet ad terminos subsequentes: unam scilicet medietatem bladii dicti et advene ad festum sancti Remigii, alteram vero in Nativitate Domini subsequenti. Sciendum vero est quod prefatus Robertus et successor ejus tale bladum dictis fratribus bona fide et sine dolo annuatim ad prefatos terminos distribuet quod unusquisque sextarius commemorati bladii XIIcim denarios parisienses plus valebit per dictum fratris Templi qui decimas territorii Longe Ville recipiet quam illud bladum quod ipsi fratres in sua parte decime dicti territorii percipient, et dictum bladum cum avena Robertus prefatus ad molendinum suum deberio apud Durlendium reddere assignavit, ita quod, si forte molendinum deficeret, ut dictum bladum cum avena fratribus plenarie annuatim non solveretur, dictus Robertus ad suum tenementum quod de me tenet in Durlendio deffectum si fuerit [sine] omnimoda contraditione perficiet. Et pro hac pace fratres dicto Roberto et successori ejus hoc quod habebant in territorio Longe Ville, salva eorum decimatione, quittaverunt, scilicet in quarto. Hoc autem factum est assensu meo. Ut igitur ratum et inconcussum permaneat, ego presens cirographum ad peticionem Roberti sepedicti sigilli mei appensione feci communiri in perpetuum. Istis presentibus: Robertus Fretellus, Willelmus Rabot, milites seculares; frater Andreas de Celeres, domorum Templi... tunc temporis in Francia, frater Guido, avunculus comitis Pontivii. Actum apud [Roque]mont, domum Templi, anno dominice incarnationis Mº CCº quinto, mense junii.

Bibliographie

BRUNEL (Clovis), Recueil des actes des comtes de Pontieu (1026-1279), Paris, 1930, n° 167, p. 256-257

Responsable

Benoit Tock

Source de l'édition

[non indiqué] ([non indiqué])

Comment citer cette notice

Acte n°202671 dans Chartae Galliae. Edition électronique: Institut de Recherche et d'Histoire des Textes, 2014. (Telma). [En ligne]http://www.cn-telma.fr/chartae-galliae/charte202671/. Date de mise à jour : 16/09/11. Première version : 10 juin 2010.