Robert évêque d'Arras pour Eaucourt (abbaye Notre-Dame)

<<</>>>

NuméroF00035

Genrecharte

Date (précise)14/10/1124

Authenticiténon suspecté

Languelatin

Diocèse Arras



Auteur

Robert évêque d'Arras

Bénéficiaire

Eaucourt (abbaye Notre-Dame)

Regeste

Robert, évêque d'Arras, concède à l'abbaye d'Eaucourt la possession des autels de Warlencourt, avec son annexe de Martinpuich, de Flers et de la moitié de l'autel d'Irles.

Texte

In nomine Patris et Filii et Spiritus Sancti, amen. Ego Robertus, Dei miseratione Atrebatensis episcopus, dulcissimis petitionibus tuis et aecclesiae tuae cui preesse dinosceris satisfaciens, dilectissime frater et fili Odo, abba venerabilis congregationis Sanctae Mariae Virginis de Aiulficurte, pro peccatorum nostrorum redemptione, tibi tuisque successoribus in eo quo es loco et ordine sub regula Sancti Augustini Deo militantibus, sine aliqua turpis lucri exactione, altaria de Guasloncourt cum appenditio suo Martimpuch et de Flers et dimidiam partem de Isles altaris non solum concedimus, verum etiam qua presidemus auctoritate liberaliter imperpetuum confirmamus, salvo in omnibus Atrebatensis episcopi jure et redditibus et archidiaconi ministrorumque ejus. Si quis autem post hanc nostram diffinitionem manu sacrilega ab aecclesia, cui Deo disponente annuimus, auferre attemptaverit vel ingeniosis machinamentis contra ea ire presumpserit, cum Symone mago anathema sit. Nos siquidem, hujus paginae auctoritatem ratam et inconvulsam permanere volentes, in presentia subscriptorum testium eam consignavimus. Signum domni Drogonis Atrebatensis archidiaconi. S. domni Roberti Ostrevandensis archidiaconi. S. domni Ricoardi abbatis de Monte Sancti Eligii. S. Anastasii cantoris. S. Ebrulfi sacerdotis. S. Anastasii sacerdotis. S. Sasgualonis de Monte Sancti Eligii canonici. S. Ogeri de eodem Monte canonici. Ego Robertus, Dei miseratione Atrebatensis episcopus, hoc libertatis donativum relegi, subscripsi et in nomine Patris et Filii et Spiritus Sancti propria manu confirmavi (signum crucis). Actum Atrebati, anno Dei Christi MCXXIIII, indictione prima, II idus octobris, anno autem pontificatus domni Roberti Atrebatensis episcopi decimo.

Bibliographie

TOCK (Benoît-Michel), Les chartes des évêques d'Arras (1093-1203), Paris, 1991, n° 41, p. 57-58

Responsable

Benoit Tock

Source de l'édition

[non indiqué] ([non indiqué])

Comment citer cette notice

Acte n°200672 dans Chartae Galliae. Edition électronique: Institut de Recherche et d'Histoire des Textes, 2014. (Telma). [En ligne]http://www.cn-telma.fr/chartae-galliae/charte200672/. Date de mise à jour : 16/09/11. Première version : 10 juin 2010.